کل سوموار کو ایتھنز میں شدید برف باری کا امکان۔

  • 499
  •  
  •  
  •  
  •  
    499
    Shares

محکمہ موسمیات سے موصول ہونے والی اطلاعات کے مطابق سوموار کو ایتھنز میں بھی برفباری ہونے کا امکان ہے محکمہ موسمیات کی جانب سے بتایا گیا کہ ایتھنز میں سوموار کو دوپہر کے بعد برفباری کا امکان ہے اور برف باری ایتھنز کے نچلے حصوں میں بھی ہو گی۔

واضح رہے کہ یونان کا 51 حصہ اس وقت برف سے ڈھکا ہوا ہے اور ملک میں شدید سردی کی لہر برقرار ہے سوموار سے محکمہ موسمیات کی جانب سے بتایا گیا کہ یونان کے دارالحکومت ایتھنز کے پہاڑی علاقوں کے علاوہ نچلے حصوں میں بھی بڑی مقدار میں برف پڑنے کی پیشین گوئی ہے جس سے ذرائع آمدورفت کے متاثر ہونے کا بھی خدشہ ہے اور بہت زیادہ سردی پڑنے کی امید ظاہر کی جا رہی ہے۔

منگل کو درجہ حرارت مزید کم ہو گا اور صبح کے وقت سڑکوں پر پانی کے جمنے کا بھی خدشہ ہے جس سے ڈرائیور حضرات کو محتاط رہنا پڑے گا۔

بدھ کے روز برف باری دوبارہ سے شروع ہو گی اور پہلے سے زیادہ مقدار میں برف پڑنے کا امکان ظاہر کیا جارہا ہے جو کہ ایتھنز کے علاوہ یونان کے دوسرے علاقوں میں بھی ہو گی۔

محکمہ موسمیات کی جانب سے لوگوں کو انتباہ کیا گیا ہے کہ بلا ضرورت گھروں سے نہ نکلیں اور کئی علاقوں میں ڈرائیونگ کے لیے ڈرائیور حضرات کو اپنی گاڑیوں پر چین استعمال کرنے کے لیے کہا گیا ہے تاکہ گاڑیوں کے پھسلنے کا امکان کم ہو۔


  • 499
  •  
  •  
  •  
  •  
    499
    Shares

اترك تعليقاً

This site is protected by wp-copyrightpro.com