فرانس کی یونیورسٹی میں دھماکا، 3 افراد زخمی۔

  • 101
  •  
  •  
  •  
  •  
    101
    Shares

فرانس کے شہر لیون کی یونیورسٹی میں شدید نوعیت کا دھماکا ہوا ہے جس کے نتیجے میں 3افراد زخمی ہوگئے ہیں، جنہیں اسپتال منتقل کیا گیا ہے۔

فرانسیسی پولیس کے مطابق یونیورسٹی کی عمارت میں ہونے والا دھماکا حادثاتی تھا جو عمارت میں موجود تعمیراتی کام میں مصروف ورکرز کی وجہ سے ہوا۔

مقامی میڈیا کے مطابق یونیورسٹی کی متاثرہ عمارت سائنس لائبریری ہے، جس میں دھماکے سے آگ بھڑک اٹھی، جس کے بعد عمارت کو خالی کرالیا گیا۔

عمارت کے اندر فائر فائٹرز موجود ہیں جو آگ بجھانے کی کارروائی میں مصروف ہیں، واقعے میں زخمی ہونے والے تینوں افراد کو طبی امداد کے لیے اسپتال منتقل کیا گیا ہے جنہیں معمولی نوعیت کے زخم آئے ہیں۔

فرانسیسی پولیس کا کہنا ہے کہ چھت کے اوپر کام جاری تھا کہ گیس بوتل دھماکا ہوا جس سے آگ بھڑک اٹھی، دھماکا تخریب کاری کا نتیجہ نہیں ہے بلکہ اس کی نوعیت حادثاتی ہے۔

برطانوی میڈیاکے مطابق یونیورسٹی کی عمارت میں دھماکا ہونے کے بعد آگ کے شعلے فضا میں بلند ہونے لگے جبکہ عمارت دھماکےسے قبل بھی آگ کی لپیٹ میں تھی۔


  • 101
  •  
  •  
  •  
  •  
    101
    Shares

اترك تعليقاً

This site is protected by wp-copyrightpro.com

error: Content is protected !!