وادی نیلم میں برف سے 22گھنٹے بعد زندہ نکلنے والی بچی صفیہ کا انتقال.

مظفر آباد: آزاد کشمیر کی وادی نیلم میں 22گھنٹے بعد برف سے زندہ نکالی جانے والی بچی صفیہ انتقال کرگئی۔

صفیہ کے دوبھائیوں سمیت گھر کے 8 افراد برفانی تودے تلے دب کرجاں بحق ہوگئے تھے اور 6 سالہ صفیہ کو 22 گھنٹے برف سے زخمی حالت میں نکالا گیا تھا۔

پاک آرمی کے ہیلی کاپٹر نے زخمی بچی کو ریسکیو کرکے اسپتال منتقل کیا تھا۔ سرکاری اسپتال میں سی ٹی اسکین مشینری خراب ہونے کی وجہ سے اس کا پرائیویٹ اسپتال سے اسکین کروایا گیا تھا۔

وزیراعظم عمران خان نے بھی گزشتہ روز زیر علاج بچی کی عیادت کی تھی۔ گزشتہ رات صفیہ کو کمبائنڈ ملٹری اسپتال (سی ایم ایچ) مظفرآباد منتقل کیا گیاتھا جہاں وہ دم توڑ گئی۔

حکام کے مطابق وادی نیلم میں جاں بحق افراد کی تعداد 78ہو گئی ہے۔

جواب دیں

This site is protected by wp-copyrightpro.com